Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ზესტაფონის მუნიციპალიტეტის ახლადარჩეული მერი, გიორგი გოგლიჩიძე უფლებამოსილების შესრულებას ოფიციალურად შეუდგა.მერის რანგში, გიორგი გოგლიჩიძე მერიის თანამშრომლებს, იმერეთში სახელმწიფო რწმუნებულის მოადგილემ, ზვიად შალამბერიძემ წარუდგინა. პირველი სამუშაო დღე, გიორგი გოგლიჩიძემ, მერიის შენობაში არსებული ტურნიკეტის სისტემის დემონტაჟით დაიწყო, რომელსაც სახელმწიფო რწმუნებულის მოადგილე, ზვიად შალამბერიძეც შეუერთდა.
„დღეიდან მუნიციპალიტეტის მერიის კარი, ყველა მოქალაქისთვის ღია იქნება. მოსახლეობას აღარ ექნება იმის განცდა, რომ ხელისუფლებასთან მისასვლელად, ბარიერების გადალახვა მოუწევს. სწორედ ეს იყო მათი სურვილიც და მოთხოვნაც რომელიც პირველივე სამუშაო დღეს შევასრულე“ – განაცხადა ზესტაფონის მერმა, გიორგი გოგლიჩიძემ.