Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
რუმინეთში, აპრილში, საქართველოს პრემიერ-მინისტრის ოფიციალური ვიზიტი იგეგმება, – დაგეგმილი ვიზიტის დეტალები და ორმხრივი ურთიერთობები იყო გიორგი კვირიკაშვილისა და რუმინეთის ელჩის რადუ ლივიუ ჰორუმბას დღევანდელი შეხვედრის მთავარი თემები.
საუბრისას ხაზი გაესვა ორ ქვეყანას შორის მთელ რიგ სფეროებში არსებულ აქტიურ თანამშრომლობას და პოლიტიკურ კავშირებს.
განსაკუთრებული ყურადღება დაეთმო ეკონომიკური თანამშრომლობის გაფართოების აუცილებლობას. პრემიერმა აღნიშნა, რომ საქართველოს მთავრობა რუმინელი ინვესტორების შემოსვლას და ორ ქვეყანას შორის სავაჭრო-ეკონომიკური კავშირების გაღრმავებას მიესალმება.
მხარეებმა ევროპული და ევროატლანტიკური ინტეგრაციის გზაზე საქართველოს მიერ მიღწეულ პროგრესზე ისაუბრეს.
შეხვედრაზე, რუმინეთის ელჩმა საქართველოს ტერიტორიული მთლიანობისა და სუვერენიტეტის, ასევე ქვეყნის ევროპული და ევროატლანტიკური ინტეგრაციისადმი მხარდაჭერა კიდევ ერთხელ დაადასტურა.