Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
სახელმწიფო რწმუნებული გურიის მხარეში გიორგი სახოკია ,,ლიდერთა სკოლის“ მოსწავლეებს შეხვდა. შეხვედრაზე ახალგაზრდებს საშუალება ჰქონდათ მათთვის საინტერესო ყველა აქტუალურ შეკითხვაზე პასუხი მხარის პირველი პირისგან მოესმინათ განათლების, სოფლის მეურნეობის, ეკონომიკის, ინფრასტრუქტურის, ტრანსპორტირების, მიგრაციისა და მყარი ნარჩენების მართვის საკითხების მიმართულებით. რწმუნებულმა ახალგაზრდებთან სამომავლოდ აქტიურად თანამშრომლობის მზაობა გამოთქვა. ა(ა)იპ ,,ახალგაზრდა პედაგოგთა კავშირის“ მიერ შექმნილი „ლიდერთა სკოლა“ წარმოადგენს არაფორმალური განათლების ცენტრს. ორგანიზაციის მოზარდების განათლების კონცეფცია ეფუძნება: დემოკრატიული ღირებულებების შესახებ ინფორმაციის მიწოდებას, მათ მიერ შესწავლილი/გააზრებული ინფორმაციის გავრცელებას თანატოლებში, ცვლილებების მიღწევის მიზნით მოზარდების ჩართვას სამოქალაქო მონიტორინგისა და ადვოკატირების პროცესებში.