Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
თერჯოლის მუნიციპალიტეტში გოდოგანი–ნაგარევი- ბროლისქედის გზის რეაბილიტაცია–მშენებლობა დასრულდა. 7,5 კილომეტრიან მონაკვეთზე დაიგო ასფალტო–ბეტონის საფარი. აღნიშნულ სოფლებში გზა ათეული წელია არ იყო და მოსახლეობას გადაადგილების პრობლემა ჰქონდა. ამ მონაკვეთით 3000 – ზე მეტი ადგილობრივი ისარგებლებს. პროექტი გარდამავალი იყო და წელს დასრულდა. დასრულებული პროექტი საქართველოს რეგიონული განვითარებისა და ინფრასტრუქტურის მინისტრის მოადგილემ, ილია ბეგიაშვილმა, იმერეთში სახელმწიფო რწმუნებულის მოადგილეებმა: ზვიად შალამბერიძემ და იოსებ ხახალეიშვილმა, ადგილობრივი თვითმმართველობის წარმომადგენლებთან ერთად დაათვალიერეს.
ასევე, სრულად მოხდა გოდოგნის ადმინისტრაციული თემის გაზიფიცირება. დღესვე, ხელისუფლების წარმომადგენლები მოსახლეობასაც შეხვდნენ და რიგ საკითხებთან დაკავშირებით მათი პოზიციები მოისმინეს.