Доступно только по Грузински For the sake of viewer convenience, the content is shown below in the alternative language. You may click the link to switch the active language.
ხულოს მუნიციპალიტეტის მერმა გოჩა მელაძემ ა(ა)იპ „დემოკრატიის ინსტიტუტის“ წარმომადგენლებთან შეხვედრა გამართა. შეხვედრის მიზანს ხულოს მუნიციპალიტეტის ქალთა ოთახსა და „დემოკრატიის ინსტიტუტს“ შორის ურთიერთთანამშრომლობის მემორანდუმის გაფორმება წარმოადგენდა. მემორანდუმის გაფორმება მოხდა პროექტის „ახალი პერსპექტივები ახალგაზრდა დედებისთვის აჭარაში“ ფარგლებში.
პროგრამის მიზანია ნაადრევი ქორწინების შესახებ აჭარის რეგიონის მოსახლეობაში ცნობიერების დონის ამაღლება და არასრულწლოვან ასაკში დაოჯახებული ქალებისათვის სამართლებრივი, ჯანდაცვისა და განათლების შესახებ ტრენინგების შეთავაზება.
პროექტის ფარგლებში „ქალთა ოთახი“ უზრუნველყოფს პროექტის ბენეფიციართა მოძიებას და დაგეგმილ შეხვედრებში მათ ჩართულობას.
გაიმართა აღნიშნული პროგრამის პრეზენტაციაც, რომელსაც მუნიციპალიტეტში არსებული სხვადასხვა უწყებების ხელმძღვანელი პირები და წარმომადგენლები ესწრებოდნენ.