Доступно только по Грузински For the sake of viewer convenience, the content is shown below in the alternative language. You may click the link to switch the active language.
ლანჩხუთის მუნიციპალიტეტის ჩოჩხათის ადმინისტრაციულ ერთეულში 11 კილომეტრიანი გულიანი-ჩოჩხათი-სუფსის საავტომობილო გზის სამშენებლო სამუშაოები გრძელდება. დღეს სამუშაოები მუნიციპალიტეტის გამგებელმა ზაზა ურუშაძემ მოადგილე ნუგზარ ცინცაძესა და ინფრასტრუქტურისა და არქიტექტურის სამსახურის უფროს ლევან ჩხაიძესთან ერთად მოინახულა. ამჯერად რკინა-ბეტონის სანიაღვრე სისტემის მოწყობის სამუშაოები მიმდინარეობს. უახლოეს დღეებში კი ასფალტის საფარის დაგება დაიწყება. საავტომობილო გზის სამშენებლო სამუშაოებს შპს “სამკუთხედი” ახორციელებს. პროექტის ღირებულება 3 მილიონ ლარს შეადგენს და იგი აღნიშნული გზის სრულ რეაბილიტაციას ითვალისწინებს.