Доступно только по Грузински For the sake of viewer convenience, the content is shown below in the alternative language. You may click the link to switch the active language.
ფინანსთა მინისტრის მოადგილე ლაშა ხუციშვილმა ნავთობიმპორტიორთა ასოციაციის წარმომადგენლებს შეხვედრის დროს აღნიშნა რომ შემუშავებულია დამატებული ღირებულების გადასახადით ავანსის დაბეგვრის ინსტრუქციის სამუშაო ვერსია და ფინანსთა სამინისტროსთვის მნიშვნელოვანია, დოკუმენტის საბოლოო დამტკიცებამდე, მაქსიმალურად იყოს გათვალისწინებული ბიზნესის შენიშვნები და წინადადებები.
დამატებული ღირებულების გადასახადით ავანსის დაბეგვრის ინსტრუქციის სამუშაო ვერსიის გასაცნობად, ფინანსთა სამინისტრო გააგრძელებს სხვადასხვა ბიზნეს გაერთიანებაში შემავალი კომპანიების დირექტორებთან და ფინანსურ მენეჯერებთან შეხვედრებს.
დამატებული ღირებულების გადასახადით ავანსის დაბეგვრის ინსტრუქციის სამუშაო ვერსიის ნახვა შესაძლებელია ფინანსთა სამინისტროს შემოსავლების სამსახურის ოფიციალურ ვებგვერდზე. იხილეთ შესაბამისი ბმული: http://www.rs.ge/6259