Доступно только по Грузински For the sake of viewer convenience, the content is shown below in the alternative language. You may click the link to switch the active language.
დღეს დედოფლისწყაროს მუნიციპალიტეტის საკრებულოს მორიგი სხდომა გაიმართა, რომელსაც საკრებულოს თავმჯდომარე ნუგზარ პაპიაშვილი უძღვებოდა. სხდომაზე ,,დედოფლისწყაროს მუნიციპალიტეტის 2017 წლის ბიუჯეტის დამტკიცების შესახებ“ საკრებულოს 2016 წლის 22 დეკემბრის N 30 დადგენილებაში შევიდა ცვლილება. აღნიშნული ცვლილების საფუძველზე ბიუჯეტის ხარჯვითი ნაწილი 1446,2 ათასი ლარით გაიზარდა და თანხა სხვადასხვა ინფრასტრუქტურულ პროექტებზე გადანაწილდა. მათ შორის: წყლის სისტემის რეაბილიტაციისთვის, საკანალიზაციო სანიაღვრე სისტემის მოწყობა-რეაბილიტაციისთვის, სპორტული დარბაზებისა და მოედნების მშენებლობისთვის, საგზაო ინფრასტრუქტურის მშენებლობა-რეაბილიტაციისთვის, გარე განათების სისტემის რეაბილიტაციისთვის და სხვა სამშენებლო ღონისძიებებისთვის.
დღესვე, საკრებულომ ცვლილება შეიტანა ,,დედოფლისწყაროს მუნიციპალიტეტის საკრებულოს აპარატის საშტატო ნუსხის დამტკიცების შესახებ“ დედოფლისწყაროს მუნიციპალიტეტის საკრებულოს 2014 წლის 12 აგვისტოს N 44 და ასევე, ,,დედოფლისწყაროს მუნიციპალიტეტის გამგეობის საშტატო ნუსხის დამტკიცების შესახებ“ დედოფლისწყაროს მუნიციპალიტეტის საკრებულოს 2014 წლის 24 ივლისის N 26 დადგგენილებებში . გადაწყვეტილების მიღების საფუძველი გახდა ,,პროფესიული საჯარო მოხელეების თანამდებობათა დასახელებისა და იერარქიულ რანგებში განაწილების წესის, შესაბამისი იერარქიული რანგისთვის მიკუთვნებული მოხელეთა თანამდებობების იერარქიული ჩამონათვალის განსაზღვრის შესახებ „ საქართველოს მთავრობის 2017 წლის 26 აპრილის N 215 დადგენილება. პროექტის მიხედვით , 2017 წლის 1 ივლისიდან შეიცვლება თანამდებობების დასახელებები და თანამშრომლებს მიენიჭებათ შესაბამისი რანგები. პირველი რანგი მიენიჭება სამასახურის უფროსებს, მეორე -განყოფილების მესამე-მთავარ და უფროს სპეციალისტებს და მეოთხე- სპეციალისტებს შესაბამისი კლასის მითითებით.
დღევანდელ სხდომაზე საკრებულომ დადებითად შეაფასა დედოფლისწყაროს მუნიციპალიტეტის გამგეობის მიერ წარმოდგენილი ანგარიში 2016 წელს გაწეული მუშაობის შესახებ .
სხდომაზე ასევე დამტკიცდა დედოფლისწყაროს მუნიციპალიტეტის მოძრავი და უძრავი ქონების საპრივატიზებო ობიექტების ნუსხა და პრივატიზაციის გეგმა.