Доступно только по Грузински For the sake of viewer convenience, the content is shown below in the alternative language. You may click the link to switch the active language.
დმანისის მე-6 მოწვევის საკრებულოს პირველი სხდომა N24- ე საოლქო საარჩევნო კომისიის თავმჯდომარემ ლონგინოზ ყულიაშვილმა გახსნა. მან დეპუტატებს წარმატებები და ნაყოფიერი მუშაობა უსურვა. სხდომას საკრებულოს თავმჯდომარის არჩევამდე უხუცესი დეპუტატი ნიაზ მაჯითოვი წარუძღვა, რის შემდეგაც დეპუტატებმა საკრებულოს თავმჯდომარედ მერაბ ოქრიაშვილი აირჩიეს, მოადგილედ – გუსეინ ისმაილოვი. ამ წუთებში მიმდინარეობს კომისიების თავმჯდომარეების არჩევნები.
დღევანდელ სხდომაზე მოხდა ფრაქციების რეგისტრაცია.
დმანისის მუნიციპალიტეტის საკრებულოში წარმოდგენილი იქნება სამი პარტია: ქართული ოცნება დემოკრატიული საქართველო, შენების მოძრაობა, ერთიანი ნაციონალური მოძრაობა. დმანისის ახალი საკრებულო წარმომადგელობით ორგანოში 31 დეპუტატია, მათ შორის 16 მაჟორიტარული და 15 პროპორციული წესით არჩეული.