Доступно только по Грузински For the sake of viewer convenience, the content is shown below in the alternative language. You may click the link to switch the active language.
დუშეთის მუნიციპალიტეტის მერიის ადმინისტრაციული შენობის სააქტო დარბაზში, გაიმართა ქვე -პროექტის- „ქ. დუშეთის ისტორიული ქუჩების ურბანული განახლება“ განსახლების სამოქმედო გეგმის საჯარო განხილვა. ქვე – პროექტი, რომელიც მსოფლიო ბანკის დაფინანსებით ხორციელდება საქართველოს მუნიციპალური განვითარების ფონდის მიერ, მესამე რეგიონული განვითარების პროექტის ფარგლებში, ითვალისწინებს ქ.დუშეთის ისტორიული ნაწილის კერძოდ – რუსთაველის, ერეკლე II-ს, შამანაურის, ჭავჭავაძის, კოსტავას და წმ. ნინოს ქუჩებზე არსებული შენობა – ნაგებობების რეაბილიტაციას. საქართველოს მუნიციპალური განვითარების ფონდის წარმომადგენლებმა დამსწრე საზოგადოებას განსახლებლის სამოქმედო გეგმა გააცნეს, რის შემდეგაც შეხვედრა კითხვა-პასუხის რეჟიმში წარიმართა და პროექტით გათვალისწინებული სარეაბილიტაციო შენობა-ნაგებობების მესაკუთრეებმა მათთვის საინტერესო საკითხებზე დეტალური ინფორმაცია მიიღეს. საჯარო განხილვას ადგილობრივ დაინტერესებულ საზოგადოებასთან ერთად აგრეთვე ესწრებოდნენ: დუშეთის მუნიციპალიტეტის მერი- ზურაბ სეხნიაშვილი, მისი მოადგილე- ზაქარია ხეხელაშვილი, საქართველოს მუნიციპალური განვითარების ფონდის, დუშეთის მუნციპალიტეტის მერიისა და საკრებულოს წარმომადგენლები.