Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დუშეთის მუნიციპალიტეტის მერიის განათლების, კულტურის, სპორტის და ახალგაზრდობის საქმეთა სამსახურისა და ა(ა)იპ დუშეთის კულტურულ-საგანმანათლებლო ცენტრის ორგანიზებით, ილია ზაქაიძის სახელობის დუშეთის კულტურის სახლში სარვამარტო ღონისძიება გაიმართა.
კონცერტში მონაწილეობდნენ: მომღერალი თემურ თათარაშვილი, მუსიკოსი თომა მავრომატი, ანსამბლი „ქალილო“, ადგილობრივი ჯაზმენი კახა ხუციშვილი, იაკობ ტრიპოლსკის სახელობის დუშეთის სახალხო თეატრის მსახიობები – ელენე პაპიაშვილი და იოსებ კაკალაშვილი, ხოლო ღონისძიებას უძღვებოდა ზაზა ალექსიძე.
მუნიციპალიტეტში მცხოვრებ ქალბატონებს დედის დღე და ქალთა საერთაშორისო დღე მიულოცეს მცხეთა-მთიანეთის რწმუნებულმა შალვა კერესელიძემ, დუშეთის მუნიციპალიტეტის მერმა ზურაბ სეხნიაშვილმა და მუნიციპალიტეტის საკრებულოს თავმჯდომარემ გიორგი ინაშვილმა. ღონისძიებაზე დამსწრე ქალბატონებს მისალოცი ბარათები და ყვავილები გადაეცათ.