Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
მცხეთა-მთიანეთის სახელმწიფო რწმუნებულმა დავით ნოზაძემ, დუშეთის მუნიციპალიტეტის მერთან მანანა (მაცაცო) ნარიმანიძესთან ერთად, მერის პირველი მოადგილე – ვასილ წიკლაური და მოადგილე – ოთარ ჩხეიძე წარადგინა. მხარის პირველმა პირმა ადგილობრივი ხელისუფლების წარმომადგენლებს წარმატებები უსურვა, მხარდაჭერა კიდევ ერთხელ გამოუცხადა და მჭიდრო თანამშრომლობისათვის მზადყოფნა გამოთქვა. მანანა (მაცაცო) ნარიმანიძემ კი აღნიშნა, რომ ცენტრალურ ხელისუფლებას, მცხეთა-მთიანეთის სახელმწიფო რწმუნებულის ადმინისტრაციასა და მერიას შორის კოორდინირებული მუშაობის შედეგად, მომავალი 4 წელი დუშეთის მუნიციპალიტეტისათვის მეტად ნაყოფიერი იქნება. თავის მხრივ, მერის პირველმა მოადგილემ – ვასილ წიკლაურმა და მოადგილე ოთარ ჩხეიძემ გამოცხადებული ნდობისათვის ადგილობრივი ხელისუფლების წარმომადგენლებს მადლობა გადაუხადეს და აქტიური მუშაობისათვის მზადყოფნა გამოთქვეს. შეხვედრას მერიის შესაბამისი სამსახურების, განყოფილებების უფროსები და სხვა თანამშრომლები ესწრებოდნენ.