Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
იუსტიციის სამინისტროს სსიპ „დანაშაულის პრევენციის ცენტრისა“ და სსიპ „არასაპატიმრო სასჯელთა აღსრულებისა და პრობაციის ეროვნული სააგენტოს“ ბენეფიციარების ორგანიზებით, დუშეთის პირმისაანთკარის შშმ პირთა პანსიონატში მუსიკალურ-შემოქმედებითი საღამო გაიმართა.
არასრულწლოვანმა/სრულწლოვანმა ბენეფიციარებმა პანსიონატში მცხოვრებ პირებს საკუთარი შემოქმედება გააცნეს, შესრულდა რამდენიმე მუსიკალური და ქორეოგრაფიული ნომერიც.
ღონისძიებას დანაშაულის პრევენციის ცენტრის დირექტორის მოვალეობის შემსრულებელი ლადო ჯავახიშვილი, პრობაციის ეროვნული სააგენტოს მცხეთა-მთიანეთის ბიუროს უფროსი ირაკლი არაბიძე, სსიპ “ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდისა” და ადგილობრივი მუნიციპალიტეტის წარმომადგენლები დაესწრნენ. პანსიონატში, ამჟამად, 45 შშმ პირია, რომლებიც ღონისძიების მიმდინარეობაში აქტიურად ჩაერთვნენ. მათი თხოვნით, კონცერტში ადგილობრივი ფოლკლორული ანსამბლიც მონაწილეობდა. აღსანიშნავია, რომ დანაშაულის პრევენციის ცენტრისა და პრობაციის ეროვნული სააგენტოს არასრულწლოვანი/სრულწლოვანი ბენეფიციარები უკვე რამდენიმე თვეა პანსიონატთან მოხალისეობრივად თანამშრომლობენ.