Доступно только по Грузински For the sake of viewer convenience, the content is shown below in the alternative language. You may click the link to switch the active language.
ქალაქ დუშეთში, ფაშიზმზე გამარჯვების 74-ე წლისთავი საზეიმოდ აღინიშნა. მეორე მსოფლიო ომის ვეტერანებს, მათ ოჯახის წევრებს, მოქალაქეებს, გამარჯვების დღე მიულოცეს და ქალაქში მდებარე შინმოუსვლელთა ობელისკი ბავშვებთან ერთად ყვავილების გვირგვინით შეამკეს: პარლამენტის, თვითმმართველობის, მცხეთა-მთიანეთის სამხარეო ადმინისტრაციის და ვეტერანების საქმეთა სახელმწიფო სამსახურის დუშეთის რაიონული ორგანიზაციის წარმომადგენლებმა. ამ დღის განსაკუთრებულ მნიშვნელობაზე სიტყვით გამოსვლისას ისაუბრეს: დუშეთის, ყაზბეგისა და თიანეთის მაჟორიტარმა დეპუტატმა ზაქარია ქუცნაშვილმა და მცხეთა-მთიანეთის სახელმწიფო რწმუნებულმა შალვა კერესელიძემ. დუშეთის მუნიციპალიტეტის მერის, ზურაბ სეხნიაშვილის სახელით, საზოგადოებას 9 მაისის დღესასწაული მიულოცა მერის მოადგილემ, თამაზ უნდილაშვილმა.
ვეტერანებს საქართველოს მთავრობისა და ადგილობრივი თვითმმართველობისაგან ფულადი ჯილდო და პრემიერ-მინისტრის მისალოცი ბარათები გადაეცათ. ღონისძიებაზე სახელოვნებო სკოლის ლიტერატურის წრის წევრების მიერ წარმოდგენილ იქნა თემატური ლიტერატურული კომპოზიციები, ხოლო მუსიკალური გაფორმება ეკუთვნოდა ანსამბლ “ივერიონს”.
დუშეთის მუნიციპალიტეტში 2019 წლის მდგომარეობით, ცხოვრობს 9 ვეტერანი და მათთან გათანაბრებული პირი: იასონ კიტრიშვილი, შალვა ხოსრუაშვილი, იორდანე კედელაშვილი, რევაზ ბერბერაშვილი, ოთარ მახარაშვილი, მარიამ სალიაშვილი, გულნაზ ასპანიძე, ეთერ ბოძაშვილი და გიორგი ნარიმანიძე.