Доступно только по Грузински For the sake of viewer convenience, the content is shown below in this site default language. You may click one of the links to switch the site language to another available language.
“ენერგო-პრო ჯორჯია“ განაგრძობს დასავლეთ საქართველოში სტიქიის გამო დაზიანებული ელექტროქსელის აღდგენის სამუშაოებს. დასავლეთ საქართველოს ზოგიერთ რაიონში ძლიერი ქარის გამო მოგლეჯილი ხეები ელექტროგადამცემ ხაზებს დაეცა. ელექტროენერგიის მიწოდების მასშტაბურ წყვეტას ადგილი არ აქვს, თუმცა სხვადასხვა რაიონში არის შეზღუდვები. ყველა რაიონულ ცენტს ელექტროენერგია სტაბილურად მიეწოდება.
სს „ენერგო-პრო ჯორჯიას“ ტექნიკური სამსახური განაგრძობს მუშაობას დაზიანებული ქსელის აღსადგენად. უამინდობა ართულებს აღდგენითი სამუშაოების წარმოებას, თუმცა კომპანიის ტექნიკური სამსახური ცდილობს რაც შეიძლება დროულად და სწრაფად მოახდინოს ავარიების ლიკვიდაცია. დღის ბოლომდე აბონენტების უმრავლესობას მიეწოდება ელექტროენერგია.