Доступно только по Грузински For the sake of viewer convenience, the content is shown below in the alternative language. You may click the link to switch the active language.
ჩოხატაურის მუნიციპალიტეტის კულტურის სახლში შემოქმედის ეპარქიის 22 წლისთავისადმი მიძღვნილი საიუბილეო ღონისძიება გაიმართა. საიუბილეო თარიღი კულტურული ღონისძიებებით, წელს პირველად, გურიის გუბერნატორის – გია სალუქვაძის ინიციატივით აღინიშნა. გურიის ოთხივე მუნიციპალიტეტის ხალხური სიმღერების შემსრულებელმა ანსამბლებმა და ინდივიდუალურმა შემსრულებლებმა საკონცერტო ნომრები წარმოადგინეს. ნაჩვენები იქნა ფილმი ეპარქიის ისტორიისა და შემოქმედის მიტროპოლიტის, ეპისკოპოს – იოსების მოღვაწეობის შესახებ. საიუბილეო თარიღი ეპარქიის წარმომადგენლებს გურიის გუბერნატორმა გია სალუქვაძემ, ოზურგეთის მუნიციპალიტეტის გამგებელმა მერაბ ჭანუყვაძემ, ქალაქ ოზურგეთის მერმა ბეგლარ სიორიძემ და ლანჩხუთის მუნიციპალიტეტის გამგებელმა – ზაზა ურუშაძემ მიულოცეს. „ მინდა საიუბილეო თარიღი მივულოცო ეპარქიის წარმომადგენლებს, სასულიერო პირებს, მეუფე იოსებს. მადლობას ვუხდი მათ იმ უზარმაზარი ღვაწლისთვის, რასაც მთელი ამ წლების განმავლობაში ეწევიან. ჩვენ მუდამ ვიდგებით იქ, სადაც ჩვენი ეკლესია დგას,“- აღნიშნა ოზურგეთის მუნიციპალიტეტის გამგებელმა მერაბ ჭანუყვაძემ. შემოქმედის ეპარქია 1995 წლის 4 აპრილის წმინდა სინოდის განჩინებით ჩამოყალიბდა. ეპარქია 150 ეკლესია- მონასტერს და 70 სასულიერო პირს აერთიანებს.