Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გურიის გუბერნატორმა, მერაბ ჭანუყვაძემ ოზურგეთის მუნიციპალიტეტის გამგებლის მოვალეობის შემსრულებელთან არჩილ ყაზაიშვილთან ერთად ვაკიჯვარი-ფამფალეთი – მთისპირის დამაკავშირებელი საავტომობილო გზის სამშენებლო სამუშაოები დაათვალიერა. 4 კმ. და 865 მ. სიგრძის შიდა სასოფლო გზის რეაბილიტაცია გასულ წელს დაიწყო. პროექტი 3 ეტაპიანია. მიმდინარეობს სამუშაოების მე-2 ეტაპი. სამშენებლო სამუშაოები ფინანსდება საქართველოს რეგიონებში განსახორციელებელი პროექტების ფონდიდან.
„ოზურგეთის მუნიციპალიტეტში საგზაო ინფრასტრუქტურის მოწყობა ერთ-ერთი მთავარი პრიორიტეტია. დავიწყეთ ვაკიჯვარი-ფამფალეთი – მთისპირის დამაკავშირებელი 4 კილომეტრიანი გზის რეაბილიტაცია. ამ სოფლებში ადგილობრივ მოსახლეობას მრავალი წლის განმავლობაში უწევდა არაკომფორტულ პირობებში გადაადგილება. გზა კეთდება კაპიტალურად. პროექტით გათვალისწინებულია სანიაღვრე არხებისა და მოსახლეობის საცხოვრებელ სახლებთან გადასასვლელების მოწყობა. სამუშაოებზე 2 მილიონამდე ლარი დაიხარჯება,“- აღნიშნა გუბერნატორმა.
ვაკიჯვარი-ფამფალეთი – მთისპირის დამაკავშირებელი გზის სრული რეაბილიტაცია მომავალ წელს დასრულდება. სამუშაოებს სამშენებლო კომპანია შპს. „გზები და კეთილმოწყობა“ ახორციელებს.