Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ვანი-სულორის დამაკავშირებელი ცენტრალური საავტომობილო გზის მეორე-მეშვიდე კილომეტრზე გზის სარეაბილიტაციო სამუშაოები ინტენსიურად მიმდინარეობს. აღნიშნულ მონაკვეთზე მიმდინარე სამუშაოები დღეს ვანის მუნიციპალიტეტის მერმა ალექსანდრე გოგორიშვილმა და მერის პირველმა მოადგილემ გონერი მეფარიშვილმა დაათვალიერეს. ვანი-სულორის დამაკავშირებელი გზის რეაბილიტაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ახორციელებს. პროექტის ფარგლებში მოხდება საავტომობილო გზისა და ხიდის სრული რეაბილიტაცია.
დაიგება 5 კმ ასფალტის საფარი, მოეწყობა სანიაღვრე არხები, ცხაურები, წყალგამტარი არხები და გზის გვერდულები, რაზედაც სახელმწიფო ბიუჯეტიდან 4 100 000 ლარი დაიხარჯება. როგორც სპეციალისტები აცხადებენ სარეაბილიტაციო სამუშაოები ვადების დაცვით, ხარისხიანად ხორციელდება.
ხელშეკრულებით ნაკისრი ვალდებულების თანხმად აღნიშნული გზის რეაბილიტაცია 2 თვეში დასრულდება.