Доступно только по Грузински For the sake of viewer convenience, the content is shown below in the alternative language. You may click the link to switch the active language.
ზუგდიდის მუნიციპალიტეტის ორსანტიას ადმინისტრაციულ ერთეულში, მდინარე ენგურის მონაკვეთზე ნაპირსამაგრის მოწყობის სამუშაოები მიმდინარეობს, რისთვისაც მილიონ ლარამდე იხარჯება. ნაპირსამაგრები ეწყობა მდინარე ენგურის ტყაიასა და კოკის მონაკვეთებზეც. ნაპირსამაგრი სამუშაოების მოწყობაზე ჯამში 2 754 848 ლარი იხარჯება. სამუშაოები საქართველოს რეგიონალური განვითარებისა და ინფრასტრუქტურის სამინისტროს საქართველოს საავტომობილო გზების დეპარტამენტის ფინანსური მხარდაჭერით ხორციელდება. ძლიერი წვიმის დროს, მდინარე ენგური დიდდება და მოსახლეობას საფრთხეს უქმნის, ამიტომაც ეს პრობლემა გადაუდებელ მოგვარებას საჭიროებდა.