Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
წარმატებით გრძელდება თანამშრომლობა ევროპის რეკონსტრუქციისა და განვითარების ბანკთან (EBRD). საფინანსო ინსტიტუტის მხარდაჭერით, საქართველოს მასშტაბით მიმდინარე პროექტები განიხილა, რეგიონული განვითარებისა და ინფრასტრუქტურის მინისტრმა ზურაბ ალავიძემ აღმოსავლეთ ევროპასა და კავკასიის რეგიონში EBRD-ის მმართველ დირექტორთან, ფრანსის მალიჟესთან შეხვედრისას.
მხარეებმა ქვეყნის ინფრასტრუქტურის განვითარების ხელშეწყობის კუთხით ბანკის სამომავლო გეგმებიც განიხილეს და თანამშრომლობის გაღრმავების პერსპექტივები დასახეს.
შეხვედრისას, ხაზი გაესვა ევროპის რეკონსტრუქციისა და განვითარების ბანკის, როგორც ერთ-ერთი მსხვილი პარტნიორის მხარდაჭერის მნიშვნელობას ქვეყნის ეკონომიკის განვითარებაში. საფინანსო ინსტიტუტის ხელმძღვანელობამ აქტიურად თანამშრომლობის გაგრძელების მზადყოფნა გამოთქვა.