Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გურიაში სახელმწიფო რწმუნებულმა ზურაბ ნასარაიამ, ადგილობრივი ხელისუფლების წარმომადგენლებთან ერთად, ოზურგეთში მიმდინარე ინფრასტრუქტურული სამუშაოები დაათვალიერა. მიმდინარეობს სოფელ ხვარბეთის გავლით, კონჭკათის (კატისციხე) საზღვრამდე დამაკავშირებელი საავტომობილო გზის რეაბილიტაცია.
კომპანია შპს „ბლექსი გრუპი“ 4 868 მეტრი სიგრძის გზის მოასფალტებას ახორციელებს. პროექტი სანიაღვრე არხებისა და მოსახლეობის ჭიშკრებთან მისასვლელების მოწყობასაც ითვალისწინებს. სამუშაოების ჯამური ღირებულება 977 777 ლარს შეადგენს. ოზურგეთი-ნინოშვილი-ლესას გზიდან ბაილეთის ცენტრის გავლით მიმდინარეობს გზის რეაბილიტაცია (5667 გრძ.მ). სამუშაოებს შპს „პალადა“ აწარმოებს და მისი ღირებულება 1 893 763 ლარს შეადგენს.
სოფელ ცხემლისიხიდი-სოფ.ვაკიჯვრის გზიდან ბაღდადის ეკლესიამდე დამაკავშირებელი გზის რეაბილიტაცია. (1662 გრძ.მ.) სამუშაოებს შპს „ბონდი 2009“ აწარმოებს. პროექტის ღირებულება 730 000 ლარს შეადგენს.
ოზურგეთი-ნინოშვილი-ლესას გზიდან ჯუმათის ცენტრის გავლით არსებული გზის რეაბილიტაცია. (5666 გრძ.მ) სამუშაოებს შპს „ფემინი კონსტრაქშენ გრუპი“ აწარმოებს. პროექტის ღირებულება 1 434 400 ლარს შეადგენს.
სამუშაოები რეგიონებში განსახორციელებელი პროექტების ფონდიდან ფინანსდება და მიმდინარე წელს დასრულდება.