Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გურიის გუბერნატორი ზურაბ ნასარაია, ტენდერში გამარჯვებულ საპროექტო-სახარჯთაღრიცხვო დოკუმენტაციის შედგენაზე მომუშავე, საპროექტო ორგანიზაციების წარმომადგენლებს შეხვდა. სამუშაო შეხვედრაზე შპს „საუკის“, შპს „გზამკვლევი 2001“-ისა და შპს „ემბისი“-ს წარმომადგენლებმა გუბერნატორს გააცნეს თავიანთი საქმიანობის კონკრეტული სფერო და სამომავლო თანამშრომლობაზე შეთანხმდნენ.
აღნიშნული ორგანიზაციები მუნიციპალიტეტების საჭიროებიდან გამომდინარე განახორციელებენ საპროექტო – სახარჯთაღრიცხვო დოკუმენტაციის შედგენას შემდეგი სამუშაოებისათვის:
• შენობა ნაგებობების მშენებლობა-რეაბილიტაციას, რეკონსტრუქციის სამუშაოებისათვის;
• წყალმომარაგებისა და წყალარინების ქსელების (სისტემების) მოწყობისა და რეაბილიტაციისათვის საჭირო სამუშაოებისათვის;
• ადგილობრივი მნიშვნელობის საავტომობილო გზების, ნაპირდამცავი ან/და ნაპირსამაგრი ნაგებობების, სახიდე გადასასვლელების სამშენებლო-სარეაბილიტაციო სამუშაოებისათვის, ასევე, სტიქიური და სხვა ფორსმაჟორული მოვლენების შედეგად დაზიანებული ინფრასტრუქტურის აღდგენისთვის საჭირო სამუშაოებისათვის.
სამხარეო ადმინისტრაციაში გამართულ შეხვედრას გუბერნატორის სამივე მოადგილე და მუნიციპალიტეტების მერები ესწრებოდნენ.