Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ევროპასთან ინტეგრაციის კომიტეტის თავმჯდომარე და ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძე აზერბაიჯანში, ქალაქ ბაქოში, აზერბაიჯანის მილი მეჯლისის მასპინძლობით გამართულ კონფერენციაში – „აღმოსავლეთ პარტნიორობის ქვეყნებში ქალთა ჯანმრთელობისა და გენდერული თანასწორობის გაუმჯობესება საპარლამენტო ჩართულობის გაძლიერებით“ მონაწილეობენ.
კონფერენციაში აღმოსავლეთ პარტნიორობის ქვეყნების პარლამენტები, ევროპარლამენტის წევრები, საპარლამენტო დელეგაციები იტალიიდან და ბოსნია-ჰერცეგოვინადან, აღმასრულებელი ხელისუფლების, გაერთიანებული ერების ორგანიზაციისა და არასამთავრობო ორგანიზაციების წარმომადგენლები, ასევე საერთაშორისო და ადგილობრივი ექსპერტები მონაწილეობენ.
საქართველოს პარლამენტის ევროპასთან ინტეგრაციის და ჯანმრთელობის დაცვისა და სოციალურ საკითხთა კომიტეტების თავმჯდომარეები მოხსენებით წარდგებიან თემებზე: „აღმოსავლეთ პარტნიორობის ქვეყნებში ქალთა ჯანმრთელობის და გენდერული თანასწორობის პოლიტიკის განხორციელების პროცესში არსებული მიღწევებსა და გამოწვევებზე“ და „საპარლამენტო ჩართულობის გაძლიერების პერსპექტივა მდგრადი განვითარების მესამე და მეხუთე მიზნებთან მიმართებაში და მათ მიღმა“.