Доступно только по Грузински For the sake of viewer convenience, the content is shown below in the alternative language. You may click the link to switch the active language.
თბილისის მერმა კახა კალაძემ საქართველოში იტალიის სრულუფლებიან ელჩთან, ენრიკო ვალვოსთან გამოსამშვიდობებელი შეხვედრა გამართა. შეხვედრაზე მხარეებმა ორი ქვეყნის მეგობრულ ურთიერთობებზე და თანამშრომლობის პერსპექტივებზე ისაუბრეს. კახა კალაძემ მადლობა გადაუხადა ენრიკო ვალვოს ქართულ-იტალიური ურთიერთობების განმტკიცებაში შეტანილი წვლილისთვის და გაწეული საქმიანობისთვის. ენრიკო ვალვომ თბილისის მერს დამდეგი შობა-ახალი წელი მიულოცა და აღნიშნა, რომ წელს საახალწლოდ მორთული თბილისი განსაკუთრებულია.
„ძალიან ლამაზია საახალწლოდ მორთული თბილისი. ქალაქში იგრძნობა სადღესასწაულო განწყობა. წელს განსაკუთრებულია თბილისი საახალწლო განათებებითა და საზეიმო მორთულობით“, – განაცხადა ენრიკო ვალვომ.