Доступно только по Грузински For the sake of viewer convenience, the content is shown below in the alternative language. You may click the link to switch the active language.
ქალაქ თელავის მერი პლატონ კალმახელიძე შეხვდა მეწარმეობის განვითარების სააგენტოს ეგიდით გამართული შეხვედრის მონაწილეებს, რომელსაც ესწრებოდნენ იაპონიის საერთაშორისო განვითარების სააგენტოს წარმომადგენლები და წარმატებული ქართველი მეწარმეები.
იაპონელმა სტუმრებმა შეხვედრის მონაწილეებს გაუზიარეს იაპონელი მეწარმეების წარმატებული პრაქტიკული საქმიანობის მაგალითები. სტუმრებმა აგრეთვე მოისმინეს ინფორმაცია ქართველი მეწარმეების მიერ განხორციელებული წარმატებული პროექტების შესახებ.
შეხვედრაზე დაისახა გამოცდილების გაზიარების და მომავალი თანამშრომლობის პერსპექტივები. შეხვედრა თბილ და საქმიან ატმოსფეროში წარიმართა.