Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს ადგილობრივ თვითმმართველობათა ეროვნული ასოციაციის (NALAG) ინიციატივითა და გაეროს განვითარების პროგრამის (UNDP) მხარდაჭერით, თელავში დეცენტრალიზაციის საშუალოვადიანი სტრატეგიის (2019-2025) პროექტის განხილვა მოეწყო.
ასოციაციისა და სამინისტროს წარმომადგენლებმა დამსწრე საზოგადოებას დეცენტრალიზაციის საშუალოვადიანი სტრატეგიის შესახებ დეტალური ინფორმაცია მიაწოდეს და დოკუმენტში ასახული ძირითადი მექანიზმები გააცნეს.
შეხვედრა მიზნად ისახავს ცენტრალურ და ადგილობრივ ხელისუფლებებს შორის დეცენტრალიზაციის საკითხებზე დიალოგის წარმართვასა და დეცენტრალიზაციის ახალ სტრატეგიაში ადგილობრივი ხელისუფლების ინტერესების გათვალისწინებას.
ღონისძიებას ესწრებოდნენ კახეთის რეგიონის მუნიციპალიტეტების ხელმძღვანელი პირები, კახეთის სახელმწიფო რწმუნებულის აპარატის თანამშრომლები, არასამთავრობო და პოლიტიკური ორგანიზაციების წარმომადგენლები და დაინტერესებული მოქალაქეები.