Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
თურქეთის ქალაქ დიარბაქირში პოლიციასა და ქურთ დემონსტრანტებს შორის შეტაკება მოხდა. პოლიციამ აქტივისტების დასაშლელად ცრემლსადენი გაზი და წყლის ჭავლი გამოიყენა. დაკავებულია 33 ადამიანი.
დემონსტრანტები, ძირითადად, ქურთებით დასახლებულ ქალაქ დიარბაქირში, თურქეთის მთავრობის მიერ კომენდანტის საათის დაწესებას აპროტესტებდნენ. ოფიციალურმა ანკარამ აღნიშნული გადაწყვეტილება უსაფრთხოების მიზნით მიიღო, ვინაიდან გავრცელებული ცნობებით, ბოლო პერიოდში ქურთი მებრძოლები ხშირად ახორციელებენ თავდასხმას ქვეყნის ძალოვან სტრუქტურებზე, რის გამოც პოლიცია და სამხედროები „ქურთების მუშათა პარტიის” წინააღმდეგ ოპერაციას ახორციელებენ.
ოპოზიციური „სახალხო დემოკრატიული პარტიის” ლიდერის სელაჰათთინ დემირტაშის განცხადებით, იგი ყოველთვის შეეწინააღმდეგება მოქალაქეების დაკავებას და დახოცვას, რასაც, მისი თქმით, მთავრობა ტერორიზმთან ბრძოლას უწოდებს.