Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
თხილის დაცვის სახელმწიფო პროგრამის მიმდინარეობასა და ფაროსანას წინააღმდეგ ბრძოლის ღონისძიებებზე იმსჯელეს თხილის მწარმოებლებთან გამართულ შეხვედრაზე. გურიაში სახელმწიფო რწმუნებული ზურაბ ნასარაია, რწმუნებულის პირველი მოადგილე აკაკი შენგელია, ოზურგეთის საკრებულოს თავმჯდომარე დავით დარჩია, მოადგილე გიორგი ღურჯუმელიძე, ოზურგეთის მაჟორიტარი დეპუტატის ბიუროს ხელმძღვანელი ლაშა ჭელიძე თხილის საწარმოების ხელმძღვანელებს შეხვდნენ.
„დღეს თხილის დარგის მწარმოებლებთან ვისაუბრეთ მათ საქმიანობაში არსებულ გამოწვევებზე და მეთხილეობის განვითარების მნიშვნელობაზე. ჩვენ აუცილებლად გვექნება მათთან აქტიური კომუნიკაცია და გაეწევა შესაბამისი დახმარება. ასევე დაიგეგმა შეხვედრა ფაროსანას წინააღმდეგ ბრძოლის საკოორდინაციო მართვის ცენტრის ხელმძღვანელთანაც“ – აღნიშნა ზურაბ ნასარაიამ.