“ივლიტას ბიბლიოთეკაში“ჩოხატაურის მოსახლეობასთან შეხვედრა გაიმართა

Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.

გარემოსა და ბუნებრივი რესურსების დაცვის მინისტრი გიგლა აგულაშვილი საქართველოს რეგიონებში მოსახლეობასთან შეხვედრებს განაგრძობს.
მინისტრი, გურიის რეგიონში იმყოფებოდა, სადაც მხარის გუბერნატორთან გია სალუქვაძესთან, ჩოხატაურის მუნიციპალიტეტის მაჟორიტარ დეპუტატთან თემურ ჭკუასელთან და თვითმმართველობების წარმომადგენლებთან ერთად, ჩოხატაურში „ივლიტას ბიბლიოთეკაში“ ადგილობრივ მოსახლეობას შეხვდა და მათი პრობლემები მოისმინა.
მხარეებმა გარემოსდაცვით სფეროში არსებული აქტუალური საკითხები განიხილეს და მათი გადაჭრის გზებზე იმსჯელეს. საუბრის მთავარი თემა, ხე-ტყისა და წიაღის მოპოვებასთან დაკავშირებული რეგულაციები, ტყეკაფებამდე მისასვლელი გზების მოწყობა-რეაბილიტაცია და სოციალურ ჭრებთან დაკავშირებული პროცედურების უფრო მეტად გამარტივება გახლდათ.
შეხვედრა ინტერაქტიულ რეჟიმში 3 საათის განმავლობაში გაგრძელდა.