Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საწირის განვითარების ფონდის წარმომადგენლებმა იმერეთში სახელმწიფო რწმუნებულს–გუბერნატორს გივი ჭიჭინაძეს კურორტის განვითარების გეგმა გააცნეს. პირველ ეტაპზე ფონდის წევრები ბიზნეს გეგმებს ამზადებენ, რომლებსაც შემდეგ ბიზნესმენებს შეთავაზებენ. რამდენიმე მცირე და საშუალო მეწარმესთან უკვე მიღწეულია შეთანხმება გესტ ჰაუსების, კოტეჯების, ტურისტული სააგენტოს, 50 ადგილიანი სასტუმროს, სპორტული კომპლექსის, მინის პროფილაქტიკისა და სილამაზის სალონის მშენებლობაზე.
ივლისის თვეში კი პრეზენტაცია გაიმართება, სადაც კურორტის შესახებ ინფორმაციას ბიზნესმენებს, მსოფლიო ბანკის, მუნიციპალური განვითარების ფონდისა და სამინისტორების წარმომადგენლებს მიაწვდიან.
იმერეთის გუბერნატორი საწირის განვითარების ფონდის წევრებს კომპეტენციის ფარგლებში მაქსიმალურ დახმარებას დაპირდა. მხარდაჭერისთვის გივი ჭიჭინაძეს სპეციალური სიგელიც გადაეცა.