Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძე აშშ-ის საერთაშორისო განვითარების სააგენტოს (USAID) და USAID-ის პროექტის – „საჯარო მმართველობის პროგრამის“ წარმომადგენლებს შეხვდა. სამუშაო შეხვედრაზე სამომავლო გეგმები განიხილეს. როგორც ირაკლი კოვზანაძემ აღნიშნა, მოხარულია, რომ USAID-თან თანამშრომლობის ახალი ეტაპი იწყება.
„წლების განმავლობაში, ამერიკულ პროექტთან ერთობლივი მუშაობის შედეგად, არაერთი საინტერესო და მნიშვნელოვანი პროექტი განხორციელდა კომიტეტის კანონშემოქმედებითი და საზედამხედველო ფუნქციების გაძლიერებისთვის“, – აღნიშნა ირაკლი კოვზანაძემ.
USAID-ის პროექტთან „დემოკრატიული მმართველობის ინიციატივა“ (GGI) თანამშრომლობით საფინანსო-საბიუჯეტო კომიტეტმა ფინანსური ზედამხედველობის გზამკვლევი, კომიტეტის სტრატეგია, სამოქმედო გეგმა და სხვა პრუდენციული დოკუმენტები მოამზადა.