Доступно только по Грузински For the sake of viewer convenience, the content is shown below in the alternative language. You may click the link to switch the active language.
პარლამენტის იურიდიულ საკითხთა კომიტეტში საქართველოს პრემიერ-მინისტრის მიერ სპეციალური საგამოძიებო სამსახურის უფროსის თანამდებობაზე ასარჩევად წარმოდგენილი ემზარ გაგნიძისა და კარლო კაციტაძის კანდიდატურების მოსმენა დასრულდა. კომიტეტმა სპეციალური საგამოძიებო სამსახურის უფროსის თანამდებობაზე ასარჩევად წარდგენილ ორივე კანდიდატურას გაუწია რეკომენდაცია. ემზარ გაგნიძე 2021 წლის აგვისტოდან დღემდე მუშაობს დასავლეთ საქართველოს საოლქო პროკურორის მოადგილედ, ხოლო კარლო კაციტაძე კი, 2019 წლიდან დღემდე – საქართველოს გენერალური პროკურატურის სახელმწიფო ინსპექტორის სამსახურში გამოძიების საპროცესო ხელმძღვანელობის დეპარტამენტის უფროსად.
საკითხის განხილვა პარლამენტის პლენარულ სხდომაზე გაგრძელდება. პარლამენტი სპეციალური საგამოძიებო სამსახურის უფროსს სრული შემადგენლობის უმრავლესობით 6 წლის ვადით ირჩევს.