Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს გარემოს დაცვისა და სოფლის მეურნეობის მინისტრის მოადგილე იური ნოზაძე, ბაისუბნის ადმინისტრაციულ ერთეულში გამართულ სოფლის საერთო კრებას, გუბერნატორის მოადგილესთან და ადგილობრივი ხელისუფლების წარმომადგენლებთან ერთად დაესწრო.სოფლის მხარდაჭერის პროგრამის ფარგლებში, სოფლის კრება 3 სოფელში ჩატარდა. ადგილობრივებთან კონსულტაციების შედეგად გამოვლინდა ის პრიორიტეტები, რომლის განხორციელებაც აღნიშნული პროგრამის ფარგლებში მოხდება. სოფელ ზემო მსხალგორისა და ქვემო მსხალგორის მაცხოვრებლების გადაწყვეტილებით, წელს, სოფლის მხარდაჭერის პროგრამის ფარგლებში, კეთილმოეწყობა დასასვენებელი სკვერი და სპორტული მოედანი, ხოლო სოფელ ბაისუბანში ახალგაზრდებისათვის სპორტული ინვენტარის შეძენა დაიგეგმა.