Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
დედაქალაქის მერმა კახა კალაძემ საქანელას ქუჩაზე ახლად გახსნილი სასტუმრო „კარუსელი“ დაათვალიერა. თბილისის მერის თქმით, მიესალმება მსგავსი ტიპის პროექტების განხორციელებას, რომელიც მოქალაქეების დასაქმებას უწყობს ხელს.
„დედაქალაქში კიდევ ერთი სასტუმრო გაიხსნა, რაც, დაახლოებით, 16 ნომერზეა გათვლილი. მიხარია, რომ ბოლო წლების განმავლობაში, თბილისში ბევრი სასტუმრო გაიხსნა და იქმნება სამუშაო ადგილები. სასიხარულოა, რომ ჩვენს ქვეყანაში პანდემიის შემდეგ, ტურისტების რაოდენობა გაიზარდა. იქმნება ახალი სასტუმროები, კაფეები, ჰოსტელის ტიპის დასასვენებელი სივრცეები. ყოველთვის მივესალმებით მსგავსი პროექტების განხორციელებას. კონკრეტულად ამ სივრცეში, დაახლოებით, 20-მდე ადამიანი იქნება დასაქმებული“, – განაცხადა კახა კალაძემ.