Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს პარლამენტის თავმჯდომარე სავაჭრო-სამრეწველო პალატის ხელმძღვანელს, გიორგი პერტაიას შეხვდა. სავაჭრო-სამრეწველო პალატა ევროკავშირის უმსხვილესი ბიზნესგაერთიანების „ევროპალატის“ წევრია და ძირითადად, რეგიონებში მოქმედი მცირე და საშუალო ბიზნესის წარმომადგენლებს აერთიანებს. როგორც შეხვედრაზე პარლამენტის თავმჯდომარემ განაცხადა, მნიშვნელოვანია ამ ადამიანების საჭიროებებისა და გამოწვევების შესახებ პარლამენტი მაქსიმალურად იყოს ინფორმირებული. შეხვედრაზე ქვეყანაში არსებული ბიზნესგარემო და განხორციელებული რეფორმები მიმოიხილეს. ყურადღება გამახვილდა გლობალური პანდემიის დასრულების შემდეგ ეკონომიკის სწრაფი აღდგენის მნიშვნელობაზე.