Доступно только по Грузински For the sake of viewer convenience, the content is shown below in the alternative language. You may click the link to switch the active language.
საქართველოს პარლამენტის თავმჯდომარე მსოფლიო ბანკის წარმომადგენლობის ხელმძღვანელს, სებასტიან მოლინეუსს შეხვდა.
შეხვედრაზე საუბარი შეეხო მსოფლიო ბანკსა და პარლამენტს შორის ურთიერთობების გაღრმავების მნიშვნელობას და ამ მხრივ ყურადღება სამომავლო გეგმებზე გამახვილდა.
„სებასტიან მოლინეუსთან დიდი ხნის მეგობრობა და თანამშრომლობა მაკავშირებს. დღეს ჩვენ ვისაუბრეთ მსოფლიო ბანკსა და პარლამენტს შორის ურთიერთობების გაღრმავებაზე და იმ შესაძლებლობებზე, რომელიც ამ მხრივ არსებობს“, – განაცხადა კახა კუჭავამ.
შეხვედრაზე აღინიშნა მსოფლიო ბანკის მხარდაჭერით საქართველოში განხორციელებული მნიშვნელოვანი პროექტები. პარლამენტის თავმჯდომარემ მოლინეუსს მხარდაჭერისა და აქტიური თანამშრომლობისთვის მადლობა გადაუხადა.