Доступно только по Грузински For the sake of viewer convenience, the content is shown below in the alternative language. You may click the link to switch the active language.
ბიძინა ივანიშვილის პოზიცია არის სამართლიანი და ადეკვატური იმისა, რაც მოხდა კორცხელში, – ამის შესახებ ჟურნალისტებს „ქართული ოცნების“ დეპუტატმა ზაქარია ქუცნაშვილმა განუცხადა.
მისი თქმით, ხელისუფლება პასუხისმგებელია როგორც ”პროვოკატორზე, ასევე დამნაშავეებზე”. დეპუტატის მოსაზრებითვე, მთავარი როლი ამ შემთხვევაში საგამოძიებო უწყებას აქვს.
”ბატონი ბიძინას პოზიცია არის სამართლიანი და ადეკვატური იმისა, რაც მოხდა კორცხელში. პროვოკატორზეც და დამნაშავეზეც პასუხს აგებს ხელისუფლება, – ეს ორჯერ ორი ოთხია. ეს აღნიშნა ივანიშვილმაც და მე მივესალმები მის პოზიციას. ვინ არის დამნაშავე და ვინ აგებს პასუხს, ეს გამოძიების საგანია. გამოძიება არ შეიძლება იყოს ცალმხრივი, ერთი მიმართულებით“, – განაცხადა ქუცნაშვილმა.