Доступно только по Грузински For the sake of viewer convenience, the content is shown below in the alternative language. You may click the link to switch the active language.
კასპის მუნიციპალიტეტის სოფელ ლამისყანაში „ლამისყანა – თეზი-ოკამი-თბილისი-სენაკი-ლესელიძის“ ჩქაროსნულ მაგისტრალთან შემაერთებელი გზის მონაკვეთის II ეტაპის სარეაბილიტაციო სამუშაოები დასრულდა.
მოასფალტებული გზა გახსნეს საქართველოს პარლამენტში კასპის მაჟორიტარმა დეპუტატმა ირაკლი მეზურნიშვილმა, შიდა ქართლის მხარის გუბერნატორმა კახა სამხარაძემ და კასპის მუნიციპალიტეტის გამგებელმა გოჩა გოჩიტაშვილმა.
აღნიშნული გზის სიგრძე 2 000 გრძივი მეტრია, დაფინანსებულია რეგიონების განვითარების ფონდიდან, რომლის სამუშაოები შპს „საგზაო სამშენებლო სამმართველო #1“ -მა შეასრულა და მასზე 448 107 ლარი დაიხარჯა – აღნიშნა გოჩა გოჩიტაშვილმა.
ადგილობრივმა მოსახლეობამ მადლობა გადაუხადა ხელისუფლების წარმომადგენლებს, ისინი კმაყოფილები არიან კეთილმოწყობილი, მოასფალტებული გზით.