Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გურიის მხარის სახელმწიფო რწმუნებულის პირველმა მოადგილემ, აკაკი შენგელიამ, ლანჩხუთის მერთან ალექსანდრე სარიშვილთან ერთად, მუნიციპალიტეტში მიმდინარე ინფრასტრუქტურული სამუშაოები დაათვალიერა. სოფელ მაჩხვარეთში საავტომობილო ხიდის რეაბილიტაცია მიმდინარეობს. სამუშაოები სტიქიის სალიკვიდაციო ღონისძიებების ფარგლებში ტარდება. პროექტი, რომლის ღირებულებაც 828 000 ლარს შეადგენს რეგიონებში განსახორციელებელი პროექტების ფონდიდან ფინანსდება.
მამათი, აკეთი და ღრმაღელის ადმინისტრაციული ერთეულები სრულად გაზიფიცირდება. ამ ეტაპზე გაზიფიცირების სამუშაოები მიმდინარეობს სოფელ ჭანჭათსა და გაგურში. გაზიფიცირების პროგრამის ფარგლებში, აბონენტების რაოდენობა ჯამში 310 ოჯახს შეადგენს. უახლოეს მომავალში სამუშაოები ასევე დაიწყება სოფელ მამათსა და ღრმაღელეშიც.