Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გარემოს დაცვისა და სოფლის მეურნეობის მინისტრი ლევან დავითაშვილი ხაშურის მაჟორიტარ დეპუტატს, სიმონ ნოზაძეს შეხვდა და ხაშურის მუნიციპალიტეტის სოფლებში სასოფლო-სამეურნეო სავარგულების გასარწყავიანების საკითხი განიხილა. ლევან დავითაშვილმა, ირიგაციის სახელმწიფო პოლიტიკის ფარგლებში, წყლის რესურსების ეფექტიანი გამოყენების მნიშვნელობაზე ისაუბრა. როგორც შეხვედრაზე აღინიშნა, გასარწყავიანების და წყლის განაწილების გაუმჯობესების საკითხებთან დაკავშირებით ხაშურის მუნიციპალიტეტის მოსახლეობასთან საინფორმაციო შეხვედრები შესაბამისი უწყების წარმომადგენლების ჩართულობით გაიმართება. გარემოს დაცვისა და სოფლის მეურნეობის სამინისტროში გამართულ შეხვედრას მინისტრის პირველი მოადგილე გიორგი ხანიშვილი და საქართველოს მელიორაციის გენერალური დირექტორი დავით წითლიძე ესწრებოდნენ.