Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ლენტეხის მუნიციპალიტეტის მერმა გია ონიანმა მიმდინარე პროექტები, ინფრასტრუქტურის სამსახურის ხელმძღვანელთან ერთად მოინახულა. ლენტეხის მუნიციპალიტეტში საგზაო ინფრასტრუქტურის მოვლა-შენახვის ფარგლებში, აქტიურად მიმდინარეობს გზების ბეტონის საფარით მოწყობის სამუშაოები. ჩიხარეშის თემში: სოფ. ნაცული, მელე (მანკვიშერის უბანში) სასოფლო გზის რეაბილიტაცია, ხოლო ჩიხარეშში, ახალშენში და ლაშხარაშში ბეტონის საფარით მოწყობის სამუშაოები მიმდინარეობს.
პროექტი მუნიციპალიტეტის დაკვეთით რეგიონალური განვითარების ფონდიდან ფინანსდება. საგზაო სამუშაოებს შპს “გამა+” ასრულებს. ლენტეხის მუნიციპალიტეტის სოფლებში გზების ბეტონის საფარით მოწყობის სამუშაოები მომდევნო წელსაც გაგრძელდება.