Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საქართველოს მთავრობის ადმინისტრაციის რეგიონებთან ურთიერთობის დეპარტამენტის ხელმძღვანელმა ლერი ბარნაბიშვილმა სამცხე-ჯავახეთის რეგიონის პირველ პირებთან სამუშაო შეხვედრა გამართა. შეხვედრას სამცხე-ჯავახეთის რწმუნებული ბესიკ ამირანაშვილი, რწმუნებულის მოადგილეები, მუნიციპალიტეტის მერები და საკრებულოს თავმჯდომარეები დაესწრნენ. მთავრობის ადმინისტრაციის ხელმძღვანელმა რეგიონის პირველი პირებთან ერთად ექვსივე მუნიციპალიტეტის პრიორიტეტული საკითხები განიხილა. საუბარი შეეხო მიმდინარე და დაგეგმილ პროექტებს, როგორც ინფრასტრუქტურის, ასევე სოციალური და ეკონომიკური მიმართულებით. ლერი ბარნაბიშვილი ადგილობრივი თვითმმართველობის წარმომადგენლებს ცენტრალურ და ადგილობრივ ხელისუფლებას შორის მჭიდრო თანამშრომლობის მნიშვნელობაზე ესაუბრა, რადგან რეგიონები ეკონომიკური თუ ინფრასტრუქტურული მიმართულებით კიდევ უფრო განვითარდნენ და გაძლიერდნენ.