Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
პარტია „ქართული ოცნების“ გენერალურმა მდივანმა, კახა კალაძემ დღეს ჟურნალისტებთან კომენტარი გააკეთა ტელეკომპანია „რუსთავი 2“-ის გენერალური დირექტორისა და თბილისის საქალაქო სასამართლოს ყოფილი თავმჯდომარის, მამუკა ახვლედიანის საუბრის ჩანაწერზე. კახა კალაძემ სამარცხვინო უწოდა გვარამია-ახვლედიანის ჩანაწერის შინაარსს და იმ ფაქტს, რომ ეს ჩანაწერი თავად ნიკა გვარამიამ გააკეთა. „მოვისმინეთ კიდევ ერთი სამარცხვინო აუდიო ჩანაწერი, რომელიც გვარამიას მიერ არის გაკეთებული და ამას თავადვე აღიარებს. ნამდვილად შემაშფოთებელია თავად საუბრის შინაარსი.
პირდაპირ სთავაზობენ ქრთამს კონკრეტულ პირს, თუ მიიღებს გადადგომის გადაწყვეტილებას და იტყვის, რომ თითქოს შანტაჟის გამო გადადგა. მე ვფიქრობ, რომ აქ სისხლის სამართლის დანაშაულები იკვეთება. შესაბამისი სამსახურები აუცილებლად უნდა დაინტერესდნენ“,-აღნიშნა კალაძემ. როგორც კალაძემ აღნიშნა, მთავარია თავად ჩანაწერის შინაარსი, რომლითაც საგამოძიებო უწყებები უნდა დაინტერესდნენ. „ეს არის სისხლის სამართლის დანაშაული. ექვს მილიონს, კონკრეტულ თანხას სთავაზობს კონკრეტულ ადამიანს, თუ გააკეთებდა შესაბამის განცხადებებს. ამიტომ, გამოძიება უნდა დაინტერესდეს კონკრეტულ საუბართან დაკავშირებით, ასევე, უნდა დაინტერესდეს, თუ როგორ განთავსდა ეს საუბარი ინტერნეტსივრცეში“, – განაცხდა კახა კალაძემ.