პარლამენტის იურიდიულ საკითხთა კომიტეტის თავმჯდომარის, ეკა ბესელიას განცხადებით, საკონსტიტუციო ცვლილებით მანდატების გადანაწილების საკითხთან დაკავშირებით შემოთავაზებული იყო სამი სხვადსახვა ფორმულა, რომელზეც მსჯელობა მიმდინარეობს.
როგორც მან განაცხადა, საბოლოოდ ის მოდელი იქნება მიღებული რომელიც სამართლიანია.
“მანდატების განაწილების ფორმულასთან დაკავშირებით შემოთავაზებულია სამი სხვადასხვა ვერსია. იქნება კონსულტაციები იმ მოდელთან დაკავშირებით, თუ რომელი ვერსია იქნება უფრო სამართლიანი და შესატყვისი. რაც შეეხება მანდატების რაოდენობას, ის ყველა შემთხვევაში იქნება დამოკიდებული მიღებული ხმების ოდენობასთან. ბუნებრივია ციფრები არ არის შეთავაზებული იმის მიხედვით, თუ ვის რა სურვილი და პოლიტიკური განზრახვა აქვს. ამ შემთხევაში ეს იქნება შემოთავაზებული გარკვეული ფორმულით და პირდაპირ იქნება დაკავშირებული მათ შორის გამარჯვებული პარტიის ხმებთან. ფორმულა, რომელიც საბოლოოდ, ჩვენს მიერ იქნება შეთავაზებული კოლეგებისთვის, იქნება სამართლიანი და დაკავშირებული ხმების ოდენობასთან. მხარდაჭერის განსაზღვრა დააზღვევს იმ გამოთქმულ ეჭვებს, რომლის განცდა აქვთ ჩვენს ოპონენტებს, თითქოსდა ეს შესაძლებელია გამოყენებული იყოს სხვადასხვა პოლიტიკური არასასურველი მიზნებისთვის. ამიტომ ვიფიქრებთ იმ მოდელზე, რომელიც იქნება უფრო სამართლიანი”, – განაცხადა ეკა ბესელიამ.