Доступно только по Грузински For the sake of viewer convenience, the content is shown below in the alternative language. You may click the link to switch the active language.
შსს-ს საგანგებო სიტუაციების მართვის სააგენტოს მაშველებმა ვარკეთილში სუიციდის ფაქტი აღკვეთეს და ახალგაზრდა მამაკაცი სიკვდილისგან იხსნეს. შსს-ს საგანგებო სიტუაციების მართვის სააგენტოში გადაუდებელი დახმარების ოპერატიული მართვის ცენტრ ,,112“-დან შემოვიდა შეტყობინება, რომ ქალაქ თბილისში, ვარკეთილში, ახალგაზრდა მამაკაცი საცხოვრებელი კორპუსის მე-9 სართულიდან გადმოხტომას აპირებდა. შეტყობინების მიღებისთანავე, შსს-ს საგანგებო სიტუაციების მართვის სააგენტოს თანამშრომლებმა მყისიერი რეაგირება მოახდინეს და შემთხვევის ადგილზე დაუყოვნებლივ იქნა მობილიზებული სამაშველო ჯგუფი. მაშველები სამი სააათის განმავლობაში ცდილობდნენ, დაერწმუნებინათ ახალგაზრდა მამაკაცი, არ გადამხტარიყო. პარალელურად, ისინი შევიდნენ საცხოვრებელ ბინაში და მამაკაცი ფანჯრის გასწვრივ არსებული რკინის კონსტრუქციიდან, სამაშველო თოკის დახმარებით უვნებლად ჩამოიყვანეს.