Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ჩხოროწყუს მუნიციპალიტეტის მერი დათო გოგუა ადმინისტრაციულ ერთეულებში მერის წარმომადგენლებსა და საგანმანათლებლო რესურსცენტრის უფროს ლია ჯალაღონიას შეხვდა.
შეხვედრას ესწრებოდნენ მერის მოადგილეები – გოჩა ჩიქოვანი და ვალერი თოდუა, მერის მრჩეველთა საბჭოს თავმჯდომარე მაია გოგუა, მერიის სხვადასხვა სამსახურის უფროსები.
მერმა სკოლებში არსებულ საჭიროებებზე საგანმანათლებლო რესურსცენტრის ხელმძღვანელისგან დეტალური ინფორმაცია მიიღო და აღნიშნულ დაწესებულებებში ინფრასტრუქტურული სამუშაოების ჩატარების აუცილებლობაზე ისაუბრა.
მუნიციპალიტეტში არსებული საჯარო სკოლების რეაბილიტაციის მიზნით განისაზღვრა 2018 წლის პრიორიტეტები .
შეხვედრაზე დათო გოგუამ შიდა საუბნო გზების მოწყობასა და უსახური შენობების მოწესრიგებაზე ისაუბრა.
მუნიციპალიტეტის მერმა აღნიშნა, რომ სოფლებში ,,ღია კარის“ დღეებს ჩაატარებს, სადაც ის ადგილობრივების საჭიროებებს გაეცნობა და მოსახლეობას განხორციელებულ და დაგეგმილ პროექტებზე ინფორმაციას მიაწვდის. თათბირზე სხვა საორგანიზაციო საკითხებიც განიხილეს.