Доступно только по Грузински For the sake of viewer convenience, the content is shown below in the alternative language. You may click the link to switch the active language.
პანკისში, კახეთის გუბერნატორი მოსახლეობას შეხვდა. შეხვედრაზე საუბარი გასული წლის 29 დეკემბერს, ხეობაში ჩატარებულ სპეცოპერაციას ეხებოდა.
“შეხვედრა ინფორმაციული ხასიათის იყო. ვესაუბრე 30-მდე ადგილობრივს და მათ შორის უხუცესებს. გავცვალეთ ინფორმაციები. კიდევ ერთხელ ვისაუბრეთ სპეცოპერაციის შესახებ. ვისაუბრეთ, რომ მთავარი და მნიშვნელოვანია, ქვეყანაში იყოს მშვიდობა და დაცული იყოს მოქალაქეთა უსაფრთხოება, რისთვისაც სახელმწიფო ყველაფერს აკეთებს. როგორც ხეობის მცხოვრებლები, მეც მათ შორის ველოდები გამოძიების შედეგებს, მანამდე კი რაიმე დასკვნის გაკეთება ნაადრევია. ვფიქრობ, ნაყოფიერი შეხვედრა იყო და პერიოდულად კიდევ ვგეგმავ ასეთ შეხვედრებს ხეობის მოსახლეობასთან”, – განაცხადა ირაკლი ქადაგიშვილმა.