Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
საგარეო საქმეთა მინისტრი, მიხეილ ჯანელიძე აშშ-ში ვიზიტის ფარგლებში ქ. ნიუ-იორკში საქართველოს გენერალურ საკონსულოს ეწვია. მინისტრი საკონსულოს თანამშრომლებს გაესაუბრა და ადგილზე გაეცნო მისიის საქმიანობას. საქართველოს გენერალურმა კონსულმა, დიანა ჟღენტმა საგარეო საქმეთა მინისტრს ინფორმაცია მიაწოდა საკონსულოში მიმდინარე პროექტების შესახებ, რაც აშშ-ში საქართველოს ცნობადობის ამაღლებას, ქართული კულტურისა და ტრადიციების პოპულარიზაციას ისახავს მიზნად. ერთ-ერთი ახალი პროექტი, რომელიც გენერალურმა საკონსულომ წამოიწყო, ამერიკაში ქართული სათვისტომოს ისტორიული კვალის მოძიებას ემსახურება. გენერალურმა კონსულმა მინისტრს პროექტის ფარგლებში უკვე მოძიებული უნიკალური ისტორიული მასალები გააცნო.