მსოფლიო რაგბის თასი დადიანების ეზოშია

Доступно только по Грузински For the sake of viewer convenience, the content is shown below in the alternative language. You may click the link to switch the active language.

მსოფლიო რაგბის ოცწლამდელთა ჩემპიონატის თასი საქართველოს რეგიონებში მოგზაურობს. ეს პრესტიჟული სარაგბო ჯილდო, დღეს ზუგდიდში დადიანების სასახლეთა ეზოში გამოიფინა.
რაგბის თასს ზუგდიდში მოსახეობასთან ერთად სამეგრელო-ზემო სვანეთის გუბერნატორის მოადგილე კახაბერ რუსია, ადგილობრივი ხელისუფლების წარმომადგენლები, ვეტერანი და მომავალი რაგბისტები დახვდნენ.
მსოფლიო რაგბის თასი გუშინ, ევროპის ყველაზე მაღალ დასახლებაში, უშგულში გამოფინეს. თასი უშგულამდე მესტიაში მოგზაურობდა.
საქართველო მსოფლიო რაგბის ოცწლამდელთა ჩემპიონატს პირველად მასპინძლობს, ის თბილისსა და ქუთაისში 31 მაისიდან 18 ივნისის ჩათვლით ჩატარდება. მსოფლიო თასის მოსაპოვებლად 12 უძლიერესი გუნდი იბრძოლებს.