Доступно только по Грузински For the sake of viewer convenience, the content is shown below in the alternative language. You may click the link to switch the active language.
ბორჯომის მუნიციპალიტეტში ტყეკაფების, სოციალური და სანიტარული ჭრების, I ხარისხის მერქნით უზრუნველყოფის საკითხებზე შეხვედრა გაიმართა. ეროვნული სატყეო სააგენტოს სამცხე-ჯავახეთის სატყეო სამსახურის უფროსმა მურად ცინცაძემ ადგილობრივი მუნიციპალიტეტის პირველ პირებთან და დაინტერესებულ მხარეებთან ერთად მიმდინარე საკითხები განიხილა.
მისი განმარტებით, მოსახლეობის მერქნული რესურსით უზრუნველყოფა სააგენტოს ერთ-ერთ ძირითად პრიორიტეტს წარმოადგენს. რეგიონების მასშტაბით, ტყეკაფების გამოყოფის, ტყეკაფამდე მისასვლელი გზების მოწყობა-რეაბილიტაციისა და პროცესთან დაკავშირებული ყველა ღონისძიება ყოველდღიურ რეჟიმში ხორციელდება.
სამცხე-ჯავახეთის სატყეო სამსახური მოსახლეობასთან შეხვედრებს მხარეში შემავალ მუნიციპალიტეტის წარმომადგენლებთან მომავალშიც განაგრძობს.